Oli McBurnie, sem er að semja við Las Palmas á Spáni, hefði getað fengið þrefalt hærri laun annars staðar samkvæmt enskum miðlum.
Hinn 28 ára gamli McBurnie hefur verið hjá Sheffield United undanfarin fimm ár. Spilaði hann með liðinu í ensku úrvalsdeildinni á síðustu leiktíð en varð samningslaus í sumar.
Nú fer kappinn frítt til Las Palmas, sem hafnaði í 16. sæti La Liga á síðustu leiktíð. McBurnie hefur þegar samið við Las Palmas en skiptin ganga í gegn eftir læknisskoðun á föstudag.
Skotinn vakti þó áhuga víða í sumar, meðal annars frá Sádi-Arabíu og Tyrklandi. Leikmenn fá almennt ansi há laun í fyrrnefnda landinu og er talið að hann hefði fengið þrefalt hærri laun þar en hjá Las Palmas.
McBurnie vildi hins vegar ólmur fara til Las Palmas, sem spilar á Gran Canaria.