Monaco hefur hækkað verðmiðann á Youssouf Fofana eftir að stórlið sýndu honum áhuga. Sky Italia segir frá.
Á dögunum bauð AC Milan 15 milljónir, auk greiðslna síðar meir, í leikmanninn en því var hafnað og er verðmiðinn nú 30 milljónir evra.
Því er haldið fram að Monaco hafi hækkað verðmiðann í kjölfar þess að Atletico Madrid og Manchester United sýndu Fofana áhuga.
Fofana er 25 ára gamall miðjumaður. Hann hefur verið á mála hjá Monaco síðan 2020. Þá á kappinn að baki 21 A-landsleik fyrir hönd Frakklands og kom hann við sögu í þremur leikjum liðsins á nýafstöðnu Evrópumóti.