Margir stuðningsmenn Al-Hilal í Sádi Arabíu fengu gleðifréttir í gær af stórstjörnunni sjálfri Neymar.
Neymar hefur ekkert spilað síðan í október 2023 en hann sleit krossband stuttu eftir að hafa samið í Sádi.
Nú er Brasilíumaðurinn byrjaður að æfa á grasi á nýjan leik en Al-Hilal birti myndir af því á Instagram.
Neymar var um tíma einn besti vængmaður heims en hann á að baki leiki fyrir Barcelona og Paris Saint-Germain.
Hann hefur verið að jafna sig eftir aðgerð en hann meiddist í leik með Brasilíu í undankeppni HM í fyrra.
Neymar hefur aðeins leikið fimm leiki fyrir Al-Hilal eftir komuna og mun ekki ná byrjun næsta tímabils.