Kevin de Bruyne, stjarna Manchester City, er ekki á leið til Sádi-Arabíu í sumar þrátt fyrir að vera reglulega orðaður þangað.
Belginn er orðinn 33 ára gamall og hefur því verið haldið fram að hann gæti farið til Sádí og náð sér í góðan launaseðil undir lok ferilsins.
Undanfarna daga hafa virtir blaðamenn á borð við Fabrizio Romano þó haldið því fram að De Bruyne verði um kyrrt hjá City og nú hefur stjóri liðsns, Pep Guradiola, staðfest það.
„Kevin er ekki á förum,“ sagði Spánverjinn einfaldlega.
De Bruyne hefur verið á mála hjá City síðan 2015 og verið með fremstu leikmönnum heims undanfarin ár.