Joao Felix er nú heldur óvænt á óskalista Aston Villa. Guardian heldur þessu fram.
Felix er aðeins 24 ára gamall en hefur hingað til ekki náð þeim hæðum sem vonast var til á ferlinum. Hann var keyptur dýrum dómum til Atletico Madrid árið 2019, en undanfarið eitt og hálft ár eða svo hefur hann verið á láni hjá Chelsea og Barcelona.
Það virðist sem svo að Portúgalinn eigi ekki framtíð hjá Atletico en nú vill Aston Villa klófesta hann.
Villa er á leið í Meistaradeild Evrópu eftir frábært síðasta tímabil. Unai Emery, stjóri liðsins, hefur styrkt það vel í sumar og fengið þá Ian Maatsen, Samuel Iling-Junior, Lewis Dobbin, Enzo Barrenechea, Ross Barkley og Jaden Philogene til liðs við sig.
Villa er að missa Moussa Diaby til Al-Ittihad í Sádi-Arabíu og gæti Felix að einhverju leyti leyst hann af.