Manchester United og Paris Saint-Germain virðast eiga í miklum samskiptum þessa daganna en félögin hafa áhuga á nokkrum leikmönnum hvers annars.
Fyrr í dag sagði franski miðilinn Foot Mercato að PSG hefði mikinn áhuga á Jadon Sancho og að félagið hefði gert leikmanninnum tilboð sem hann er spenntur fyrir.
Þá hafa þeir Manuel Ugarte og Xavi Simons, leikmenn PSG, verið orðaðir mikið við United í sumar.
Nú segir L’Equipe að PSG horfi ekki bara til Sancho því félagið hafi mikinn áhuga á fyrirliðanum Bruno Fernandes einnig.
Portúgalinn hefur nokkuð reglulega verið orðaður frá United í sumar en í vor sagðist hann sjálfur ætla sér að vera áfram á Old Trafford.