Aston Villa er að losa vængmanninn Moussa Diaby en hann er á leið til Sádi Arabíu.
Frá þessu greinir blaðamaðurinn Fabrizio Romano en Diaby hefur leikið með Villa í aðeins rúmlega ár.
Um er að ræða 25 ára gamlan franskan landsliðsmann en hann hefur leikið 11 landsleiki fyrir þjóð sína.
Diaby var lykilmaður hjá Villa á síðustu leiktíð en er að færa sig um set eftir aðeins eitt tímabil.
Hann var fyrir það hjá Bayer Leverkusen og skoraði 31 mark í 125 deildarleikjum.