FH tók á móti ÍA í hörkuleik í Bestu deild karla í kvöld.
Eftir markalausan fyrri hálfleik kom Hinrik Harðarson, sonur FH-goðsagnarinnar Harðar Magnússonar, Skagamönnum yfir um miðjan seinni hálfleik.
Það stefndi í sterkan sigur gestanna á útivelli en í uppbótartíma jafnaði Gyrðir Hrafn Guðbrandsson fyrir FH. Lokatölur 1-1.
Úrslitin þýða að FH er áfram í fjórða sæti með 25 stig, stigi meira en ÍA sem er sæti neðar.