Það eru margir sem muna eftir Colin Kazim-Richards sem lék um tíma í ensku úrvalsdeildinni.
Kazim-Richards lagði skóna á hilluna í fyrra en hann er 37 ára gamall og endaði ferilinn í Tyrklandi.
Kazim-Richards er fyrrum landsliðsmaður Tyrklands og lék 37 leiki á sínum tíma ásamt því að skora tvö mörk.
Hann hefur nú skrifað undir samning við Arsenal og verður hluti af þjálfarateymi liðsins á komandi tímabili.
Kazim-Richards þekkir vel til Arsenal en hann var þar sem krakki frá 1998 til 2001 áður en hann hélt til Bury.
Þessi fyrrum sóknarmaður lék með fjölmörgum liðum á sínum atvinnumannaferli en nefna má Brighton, Sheffield United, Fenerbahce, Feyenoord, Celtic og Galatasaray.