Manchester United er loksins að fá miðjumann sem félagið hefur reynt við í mörg ár ef marka má heimildir Romain Collet-Gaudin sem er franskur blaðamaður.
Collet-Gaudin segir að United sé í viðræðum við franska landsliðsmanninn Adrien Rabiot sem spilaði með Frökkum á EM í sumar.
Rabiot er fáanlegur á frjálsri sölu en hann yfirgaf lið Juventus í sumar og er að leita að nýju heimili.
United hefur allt að fjórum sinnum reynt að fá Rabiot og jafnvel þegar leikmaðurinn spilaði með Paris Saint-Germain í Frakklandi.
United er einnig að horfa til Manuel Ugarte sem spilar með Paris Saint-Germain en Rabiot er þó mjög ofarlega á óskalistanum og er eins og áður sagður fáanlegur á frjálsri sölu.
Liverpool hefur einnig sýnt Rabiot áhuga en hann er 29 ára gamall og lék með Juventus í fimm ár.