Goðsögnin Roy Keane sér alls ekki eftir ákvörðun sem hann tók aðeins 11 ára gamall í heimalandinu, Írlandi.
Keane var byrjaður að reykja sígarettur ásamt vinum sínum á þessum unga aldri en var enn að spila fótbolta og hafði mikinn áhuga á íþróttinni.
Keane átti stórkostlegan feril hjá Manchester United á sínum tíma og vann ófáa titla á Old Trafford.
Hann ákvað sjálfur að taka ákvörðun um að hætta að reykja 11 ára gamall enda var strákurinn með eitt markmið; að verða atvinnumaður í fótbolta.
,,Ég man eftir því þegar við fórum að sparka í bolta eftir leikina um kvöldin,“ sagði Keane um fortíðina.
,,Árið 1982 þá var ég 11 ára gamall, ég var ásamt vinum mínum að spila bolta og við vorum í því að reykja eina sígarettu af og til á þessum aldri.“
,,Ég var að spila minn leik og var spurður að því hvort ég ætlaði að fá mér eina með þeim. Ég man eftir því að hafa sagt: ‘Ég er hættur, ég vil verða atvinnumaður í fótbolta.’