Trent Alexander-Arnold er áfram orðaður frá Liverpool og við Real Madrid. Það sem ýtir undir það er að hann og Jude Bellingham, leikmaður spænska stórliðsins, eru orðnir góðir vinir.
Samningur Trent við Liverpool rennur út næsta sumar og þarf félagið því helst að semja við hann í sumar eða selja hann.
Það er áhugi annars staðar frá á bakverðinum og er talið að Real Madrid vilji kappann.
Það sem ýtir undir fréttir um að Trent gæti farið þangað er grein sem birtist í Independent um vináttuna sem skapaðist milli hans og Bellingham á meðan EM í Þýskalandi stóð, en þeir voru báðir með enska landsliðinu þar.
Samkvæmt greininni urðu þeir það miklir mátar í ferðinni að aðrir leikmenn veltu því fyrir sér hvort Bellingham gæti sannfært Trent um að fara til Real Madrid.