Víkingur féll úr leik í 1. umferð undankeppni Meistaradeildar Evrópu í gær með 2-1 tapi gegn Shamrock Rovers. Liðið hefur aðeins unnið einn eitt einvígi í Evrópukeppnum undanfarin ár ef frá eru taldir leikir í forkeppni fyrir undankeppnina.
Arnar Gunnlaugsson tók við Víkingi fyrir tímabilið 2019 og er óhætt að segja að árangur hans hafi verið stórkostlegur. Undir hans stjórn hefur liðið hafnað Íslandsmeistaratitlinum tvisvar sinnum og bikarmeistaratitlinum fjórum sinnum. Arnar og hans menn hefðu þó án efa verið til í að vinna fleiri Evrópuleiki.
Víkingur hefur í heildina unnið fimm Evrópuleiki undir stjórn Arnars af þrettán, en þar af eru tveir í sérstakri forkeppni fyrir undankeppni Meistaradeildarinnar sem íslensk lið neyddust til að taka þátt í 2022 og 2023 vegna dapurs gengis í Evrópu árin á undan.
Þess utan hafa sigurleikirnir komið gegn Lech Poznan, Riga og The New Saints, en aðeins einvígið gegn síðarnefnda liðinu vannst yfir tvo leiki.
Það væri ekki nema sanngjarnt að undirstrika að Víkingur hefur þó aldrei tapað Evrópuleikjum sínum stórt á undanförnum árum og hefur óheppnin á köflum elt liðið, eins og í einvíginu gegn Malmö fyrir tveimur árum. Þar voru Víkingar hársbreidd frá því að slá sænsku meistarana úr leik þrátt fyrir að vera manni færri stóran hluta fyrri leiksins í kjölfar þess að Kristall Máni Ingason fékk umdeilt rautt spjald. Var hann algjör lykilmaður og Víkingur einnig án hans í seinni leiknum hér heima.
Hér að neðan má sjá gengi Víkings í Evrópukeppnum undanfarin ár.
1. umferð undankeppni Evrópudeildarinnar
Olimpija (Slóvenía) 1-1 Víkingur (2-1 eftir framlengingu) (Aðeins spilaður stakur leikur vegna Covid)
Undanúrslit forkeppni fyrir undankeppni Meistaradeildarinnar
Víkingur 5-1 Levadia (Eistland)
Úrslit forkeppni fyrir undankeppni Meistaradeildarinnar
Víkingur 1-0 Inter Club d’Escaldes (Andorra)
Fyrri leikur í 1. umferð undankeppni Meistaradeildarinnar
Malmö (Svíþjóð) 3-2 Víkingur
Seinni leikur í 1. umferð undankeppni Meistaradeildarinnar
Víkingur 3-3 Malmö
Fyrri leikur í 2. umferð undankeppni Sambandsdeildarinnar
Víkingur 2-0 The New Saints (Wales)
Seinni leikur í 2. umferð undankeppni Sambandsdeildarinnar
The New Saints 0-0 Víkingur
Fyrri leikur í 3. umferð undankeppni Sambandsdeildarinnar
Víkingur 1-0 Lech Poznan (Pólland)
Seinni leikur í 3. umferð undankeppni Sambandsdeildarinnar
Lech Poznan 2-1 Víkingur (4-1 eftir framlengingu)
Fyrri leikur í 1. umferð undankeppni Sambandsdeildarinnar
Riga (Lettland) 2-0 Víkingur
Seinni leikur í 1. umferð undankeppni Sambansdeildarinnar
Víkingur 1-0 Riga
Fyrri leikur í 1. umferð undankeppni Meistaradeildarinnar
Víkingur 0-0 Shamrock Rovers (Írland)
Seinni leikur í 1. umferð undankeppni Meistaradeildarinnar
Shamrock Rovers 2-1 Víkingur