Al-Ittihad í Sádi-Arabíu hefur boðið í Kepa Arrizabalaga, markvörð Chelsea.
Ítalski blaðamaðurinn Rudy Galetti heldur þessu fram, en hann fjallar reglulega um boltann í Sádí.
Kepa er ekki inni í myndinni hjá Chelsea en hann var á láni hjá Real Madrid á síðustu leiktíð, þar sem hann byrjaði sem aðalmarkvörður og missti svo sæti sitt.
Ljóst er að Kepa gæti þénað vel í Sádí en Al-Ittihad er sagt bjóða honum 7 milljónir evra í árslaun. Viðræður milli félaga eiga sér nú stað.