Rafael Benitez, fyrrum stjóri Real Madrid, Liverpool, Chelsea og Newcastle, er sterklega orðaður við bandaríska landsliðið.
Bandaríkin eru að leita að nýjum stjóra en Gregg Berhalter var rekinn úr starfi á dögunum eftir slæmt gengi á Copa America.
Annar Spánverji er einnig orðaður við starfið eða Luis de La Fuente sem vann EM með Spánverjum í sumar.
Blaðamaðurinn virti Guillem Balague segir að Benitez hafi áhuga á að taka við liðinu en hann er atvinnulaus.
Benitez var síðast hjá Celta Vigo í spænsku úrvalsdeildinni og hefur jafnvel talað við fyrrum lærisvein sinn, Luca De La Torre, um starfið en hann er leikmaður bandaríska liðsins.
