Mason Greenwood virðist vera búinn að finna sér nýtt félag en hann hefur náð munnlegu samkomulagi við Marseille.

The Athletic segir frá þessu, en það er löngu ljóst að Greenwood er á förum frá Manchester United.

Kappinn stóð sig vel á láni hjá Getafe á síðustu leiktíð og hefur í kjölfarið verið orðaður við nokkur stórlið.

Marseille mun borga United um 27 milljónir punda fyrir Greenwood en enska félagið fær stóran hluta af næstu sölu á leikmanninum, um 50 prósent, sem hefur verið lykilatriði í samningsviðræðunum.

Greenwood á þó enn eftir að gangast undir læknisskoðun og félögin að ganga frá smáatriðum áður en skiptin ganga í gegn.

Roberto De Zerbi er stjóri Marseille en hann tók við eftir að hafa yfirgefið Brighton í vor.