Ben Tozer, fyrrum leikmaður Wrexham, viðurkennir að sumir leikmenn liðsins hafi í raun orðið sér til skammar er hann var á mála hjá félaginu.
Tozer yfirgaf Wrexham á þessu ári og hefur gert samning við lið Forest Green Rovers, 34 ára gamall.
Eigendur Wrexham eru Hollywood stjörnurnar Ryan Reynolds og Rob McElhenney en þeir eru heimsfrægir leikarar.
Tozer viðurkennir að fjölmargir leikmenn Wrexham hafi laðast að eigendunum er þeir mættu á æfingasvæðið og fengu þeir lítinn sem engan frið í heimsókninni.
,,Þeir komu í heimsókn fyrir leik gegn Maidstone og við vorum á æfingu á heimavellinum. Þeir láta sjá sig og það voru margir sem soguðust að þeim en ég vildi ekki gera það sama,“ sagði Tozer.
,,Þú vilt að þetta eigi sér stað eðlilega með tímanum, ekki rétt? Þú vilt ekki kaffæra einhverjum um leið, þú veist að þetta mun gerast að lokum.“
,,Þeir eru eigendurnir og ég fæ tækifæri á að ræða við þá á einhverjum tímapunkti en ég ætla ekki að elta þá út um allan völl eins og ákveðnir aðilar.“
,,Þetta var í raun vandræðalegt, hegðun sumra aðila, ég ætla ekki að nefna nein nöfn.“