Arsenal hefur selt miðjumanninn Mika Biereth til Sturm Graz í Austurríki.
Biereth er 21 árs gamall Dani sem var á láni hjá Sturm Graz seinni hluta síðustu leiktíðar. Vann hann bæði deild og bikar með liðinu.
Sturm Graz finnst greinilega mikið í hann spunnið því félagið hefur keypt hann á 4 milljónir punda frá Arsenal.
Miðjumaðurinn hefur verið á mála hjá Arsenal síðan 2021. Á tíma sínum í London hefur hann einnig verið lánaður til Hollands og Skotlands en aldrei spilað fyrir aðallið Arsenal.