Nokkrir stuðningsmenn enska landsliðsins voru aðeins of fljótir á sér og fóru heim af leik liðsins gegn Slóvakíu í 16-liða úrslitum EM í Þýskalandi.
Það stefndi í mjög óvæntan 1-0 sigur Slóvakíu þegar Jude Bellingham jafnaði með hjólhestaspyrnu. England vann að lokum í framlengingu þrátt fyrir afar dapra frammistöðu.
Einhverjir stuðningsmenn Englands höfðu fengið nóg og voru farnir þegar Bellingham skoraði. Sky náði tali af einum þeirra.
„Er England búið að skora? Guð minn góður,“ sagði stuðningsmaðurinn og sýndi svo að hann var í treyju merktri Bellingham.
England mætir Sviss í 8-liða úrslitum en þarf að girða sig hressilega í brók ef liðið ætlar áfram.
The England fans who left and missed Bellingham’s equaliser pic.twitter.com/q3JF8uaLI4
— Rob Harris (@RobHarris) June 30, 2024