Enskar fótboltabullur eru víðar en í Þýskalandi þessa stundina en þær voru til vandræða á Benidorm á dögunum.
Það er fjallað um þetta í enskum miðlum. Þó svo að fjöldi enskra stuðningsmanna sé nú á EM í Þýskalandi, þar sem England tryggði sér naumlega sæti í 8-liða úrslitum í gær, fylgjast þeir með um allan heim og nokkrir þeirra voru á bar á Benidorm á dögunum.
Þar sungu þeir ansi umdeilda söngva um Þjóðverja og seinni heimsstyrjöldina en allt fór úr böndunum þegar íbúi reyndi að keyra framhjá ensku stuðningsmönnunum þar sem þeir voru fyrir utan barinn.
Þeir ensku hleyptu bílnum ekki framhjá, börðu á þakið og létu öllum illum látum. Þá steig maður út úr bílnum og lét höggin tala. Að lokum fóru ensku stuðningsmennirnir af götunni.
Hér að neðan má sjá myndband af þessu.
England fans in Benidorm… 🙈👊🏴 pic.twitter.com/KFX10Cn151
— Football Fights (@footbalIfights) June 28, 2024