Southampton hefur staðfest kaup sín á Taylor Harwood-Bellis frá Manchester City og gerir hann fjögurra ára samning.
Harwood-Bellis var á láni hjá Southampton á síðustu leiktíð og varð félagið að kaupa hann eftir að liðið tryggði sig upp í ensku úrvalsdeildina.
Southampton borgar 20 milljónir fyrir Harwood-Bellis sem er 22 ára gamall.
City hefði engin not fyrir Harwood-Bellis sem hafði verið á láni hjá Burnley áður en hann fór á láni til Southampton.
„Það er ekkert leyndarmál að ég naut þess að vera hérna á síðustu leiktíð og ég er því gríðarlega sáttur að vera mættur hingað aftur,“ sagði Harwood-Bellis eftir undirskrift.