Liverpool er víst komið í baráttuna um markmanninn Giorgi Mamardashvili sem spilar með Valencia á Spáni.
Mamardashvili hefur verið aðalmarkvörður Valencia undanfarin þrjú ár og þótt standa sig vel.
Hann hefur hins vegar vakið mesta athygli í sumar með georgíska landsliðinu sem spilaði á EM í Þýskalandi.
Mamardashvili er einnig á óskalista Newcastle en Valencia hafnaði tilboði upp á 25 milljónir evra á dögunum.
Mamardashvili er aðeins 23 ára gamall en hann yrði varamarkvörður á Anfield en í rammanum situr Alisson, landsliðsmarkvörður Brasilíu.
Markmaðurinn stóð sig frábærlega á EM en Georgía er úr leik eftir tap gegn Spánverjum í kvöld.