Spánn 4 – 1 Georgía
0-1 Robin Le Normand(’18, sjálfsmark)
1-1 Rodri(’39)
2-1 Fabian Ruiz(’51)
3-1 Nico Williams(’75)
4-1 Dani Olmo(’83)
Spánn er komið áfram í 8-liða úrslit EM í Þýskalandi eftir leik gegn Georgíu sem fór fram í kvöld.
Leikurinn var spennandi til að byrja með en Georgía komst óvænt yfir á 18. mínútu er Robin Le Normand skoraði sjálfsmark.
Spánverjar náðu að jafna metin fyrir hálfleik en Rodri kom boltanum í netið á 39. mínútu.
Seinni hálfleikurinn var algjörlega í eigu Spánverja og skoruðu þeir þrjú mörk til viðbótar og unnu sannfærandi sigur.
Georgía komst óvænt í 16-liða úrslit og getur farið stolt heim af mótinu í Þýskalandi.