Jude Bellingham miðjumaður enska landsliðsins hefur virkað þreyttur á mótinu eftir langt og strangt tímabil með Real Madrid.
Hann viðurkennir sjálfur að hann hafi verið við það að örmagnast í leiknum gegn Slóveníu.
„Þú færð orkuna frá áhorfendum og hún hjálpar þér,“ segir Bellingham.
„Í síðasta leik var ég gjörsamlega sprunginn en þú heyrir í þeim syngja.“
„Þeir gefa manni orku en við erum ekki búnir að spila eins vel og við getum í þessu móti.“
Frammistaða enska liðsins hefur verið vonbrigði í mótinu en liðið vann sinn riðil og mætir Slóvakíu í 16 liða úrslitum.