Luke Shaw bakvörður Manchester United er klár í slaginn og segist geta byrjað næsta leik enska landsliðsins.
Shaw hefur verið meiddur frá því í febrúar en hefur verið með enska landsliðinu á Evrópumótinu.
Ljóst er að enska liðið hefur saknað hans en ensk blöð segja Shaw nú kláran í slaginn.
Hann hefur ekkert komið við sögu á mótinu en er byrjaður að æfa á fullum krafti.
Bakvörðurinn hefur verið lykilmaður í enska liðinu undanfarin ár og gæti spilað gegn Slóvakíu í 16 liða úrslitum á sunnudag.