Forráðamenn PSG í Frakklandi vilja sjá hvort þeir geti krækt í Marcus Rashford sóknarmann Manchester United í sumar. TalkSport segir frá.
Franska félagið ætlar sér að kanna mögulegan áhuga Rashford á málinu áður en félagið fer í viðræður við United.
Kylian Mbappe er farinn frá PSG og því er franska félagið að leita sér að stjörnu í sóknarlínuna.
United vill fá Manuel Ugarte miðjumann PSG til sín og það gæti því hjálpað til í viðræðum félaganna.
Rashford átti mjgö slakt tímabil með United en hann gerði fimm ára samning við félagið síðasta sumar og er einn launahæsti leikmaður liðsins.