Það virðist ekki mikill áhugi fyrir því hjá félögum í Evrópu að borga 50 milljónir punda fyrir Jadon Sancho kantmann Manchester United.
Sancho á enga framtíð hjá United eftir að ljóst varð að Erik ten Hag yrði áfram sem stjóri, þeir munu ekki vinna saman.
Sancho var lánaður til Dortmund í janúar og átti ágætis spretti en félagið hefur ekki efni á verðmiða United.
Sport á Spáni segir að United hafi boðið bæði Juventus og Barcelona að kaupa hann en ekkert hefur gerst.
Sport heldur því fram að Barcelona myndi vilja fá Sancho á láni en félagið sé ekki í stakk búið til að kaupa hann í sumar.