Erik ten Hag er nálægt því að skrifa undir nýjan samning við Manchester United.
Hollendingurinn er samningsbundinn United í ár til viðbótar en á dögunum varð ljóst að hann yrði áfram stjóri liðsins eftir miklar vangaveltur um framtíð hans.
Nýir hluthafar, Sir Jim Ratcliffe og INEOS, ákváðu þó að halda Ten Hag í starfi og nú á að undirstrika það traust með nýjum samningi. Má búast við því að hann verði tilkynntur á næstunni.
Þá verða breytingar í starfsliði Ten Hag og má búast við því að Ruud van Nistelrooy, fyrrum leikmaður United, komi inn í teymið.
Gengi United var heilt yfir ekki ásættanlegt á síðustu leiktíð en liðið bjargaði tímabilinu með því að vinna enska bikarinn í vor.
🚨🔴 EXCL: Erik ten Hag, set to sign new contract at Manchester United as deal is now almost agreed.
Contacts advancing to final stages this week with his agents to finalize terms.
↪️ There will be changes in the staff with Ruud van Nistelrooy as strong candidate, as revealed. pic.twitter.com/H5HMX2jT7N
— Fabrizio Romano (@FabrizioRomano) June 25, 2024