Heimamenn í Þýskalandi unnu nokkuð þægilegan sigur á Ungverjalandi í öðrum leik dagsins á EM.
Um var að ræða leik í 2. umferð A-riðils en Þjóðverjar höfðu unnið fyrsta leikinn gegn Skotum þægilega á meðan Ungverjar töpuðu gegn Sviss.
Jamal Musiala kom Þjóðverjum yfir um miðjan fyrri hálfleik í dag og reyndist það eina markið fyrir hlé.
Það var svo um miðjan seinni hálfleik sem Ilkay Gundogan tvöfaldaði forskot heimamanna. Meira var ekki skorað og niðurstaðan 2-0 sigur.
Þjóðverjar eru með 6 stig á toppi riðilsins en Ungverjar á botinum án stiga. Sviss og Skotland mætast svo á eftir en það er óhætt að fullyrða að Þýskaland sigli þægilega inn í 16-liða úrslit.