Bjarni Guðjónsson er á leið í starf hjá tryggingarfyrirtækinu VÍS og er það ástæða fyrir uppsögn hans hjá KR.
„Ég tók þessa ákvörðun fyrir mjög skömmum tíma. Ég fékk boð um annað starf sem mér fannst það spennandi að mér fannst ég ekki geta sagt nei við því,“ sagði Bjarni við Fótbolta.net en hann verður forstöðumaður fyrirtækjaráðgjafar hjá VÍS.
Bjarni mun láta af störfum sem framkvæmdastjóri KR í lok ágústmánaðar.
Bjarni hefur gegnt starfinu síðan 2021 en fer nú til VÍS og mun taka til starfa þar í haust.
Bjarni hefur verið að skoða önnur störf síðustu mánuði en samkvæmt heimildum 433.is hafði hann sótt um starf framkvæmdarstjóra KSÍ en fékk það ekki.