Forráðamenn Wrexham vonast ennþá eftir því að félagið geti sannfært Gareth Bale um að taka skóna af hillunni.
Bale ákvað 33 ára gamall að hætta í fótbolta eftir að samningur hans við Real Madrid rann út.
Bale hafði þénað ótrúlegar upphæðir í gegnum ferilinn og vildi fara að slaka á.
Rob McElhenney annar af eigendum Wrexham er í samskiptum við Bale og vonast til að fá hann aftur á völlinn.
Saga Wrexham hefur verið ótrúleg síðustu ár og liðið flogið upp deildir og er nú komið upp í þriðju efstu deild.
Liðið er staðsett í Wales þar sem Bale er búsettur og vonast félagið eftir því að hann taki eitt tímabil með þeim.