Jens Lehmann, goðsögn Arsenal og fyrrum markvörður liðsins, er ekki viss um að Mikel Arteta sé rétti maðurinn til að koma félaginu á meðal þeirra bestu ú heimi.
Arteta hefur gert flotta hluti með Arsenal en hefur enn ekki tekist að vinna enska meistaratitilinn. Liðið hafnaði í öðru sæti í vetur.
Lehmann viðurkennir að Arteta hafi gert góða hluti hingað til en er ekki viss um að hann sé maðurinn til að taka liðið alla leið.
,,Arteta hefur gert vel með að koma Arsenal á réttan stað en hvort hann sé rétti maðurinn fyrir liðið… Núna er ég ekki viss,“ sagði Lehmann við Telegraph.
,,Á síðustu leiktíð voru þeir með forskotið í deildinni og á einum mánuði þá töpuðu þeir þessu niður.“
,,Það sem fólk sem ræður stjóra skilur stundum ekki að persónuleikinn er gríðarlega mikilvægur. Þið þurfið að horfa á hans persónuleika,“ sagði Lehmann.
,,Er þetta sigurvegari eða er þetta góður náungi sem kemur þér á fínan stað og svo er ballið búið?“