Vængmaðurinn öflugi Khvicha Kvaratskhelia hefur ákveðið að skrifa undir nýjan samning við Napoli.
Kvaratskhelia var á óskalista stórliða í Evrópu en nefna má bæði Barcelona og Paris Saint-Germain.
Georgíumaðurinn hafnaði hins vegar þeim liðum að sögn Gazzetta dello Sport og ætlar að vera áfram á Ítalíu.
Kvaratskhelia mun hækka verulega í launum en hann mun þéna allt að fimm milljónir evra fyrir hvert tímabil.
Napoli gerði mikið til að halda Kvaratskhelia en liðið vildi ekki missa bæði hann og framherjann Victor Osimhen sem er líklega á förum.