Fleiri breytingar hafa verið gerðar á hópi karlalandsliðsins fyrir komandi vináttuleiki gegn Englandi og Hollandi.
Leikirnir fara fram á föstudag í Englandi og mánudag í Hollandi en þegar hafði Sævar Atli Magnússon komið inn í hópinn fyrir meiddan Orra Stein Óskarsson.
Nú er ljóst að þeir Hlynur Freyr Karlsson og Mikael Egill Ellertsson geta ekki heldur verið með vegna meiðsla.
Í þeirra stað koma Valgeir Lunddal Friðriksson og Logi Tómasson inn í hópinn.
Breytingar á leikmannahópnum hjá A karla fyrir leikina gegn Englandi og Hollandi. Hlynur Freyr Karlsson og Mikael Egill Ellertsson eru meiddir og verða ekki með, í þeirra stað koma Valgeir Lunddal Friðriksson og Logi Tómasson. pic.twitter.com/bVxmnkI5Lo
— Knattspyrnusambandið (@footballiceland) June 5, 2024