Hryðjuverkasamtökin ISIS hafa hótað að láta til skarar skríða á einhverjum leikja í Meistaradeild Evrópu í kvöld eða á morgun.

Þetta kemur fram í nýrri færslu samtakanna sem erlendir miðlar vekja nú athygli á. Þar er mynd af ISIS-meðlim haldandi á AK47 riffli með alla leikvanga sem eiga að hýsa leiki í Meistaradeildinni í kvöld og á morgun í bakgrunn. Með fylgja skilaboðin: „Drepum þau öll.“

Spænskir miðlar segja að yfirvöld í Madríd, þar sem tveir leikjanna fara fram, séu þegar farin að gera öryggisráðstafanir og má búast við að borgirnar sem hýsa hina leikina, London og París, geri slíkt hið sama.

Þess má geta að ISIS hafði í sambærilegum hótunum fyrir leik Bayern Munchen og Dortmund í þýsku úrvalsdeildinni á dögunum. Ekkert varð af árás þá.

8-liða úrslit Meistadeildar Evrópu hefjast í kvöld. Arsenal tekur á móti Bayern Munchen og Real Madrid tekur á móti Manchester City. Á morgun tekur PSG svo á móti Barcelona og Atletico Madrid á móti Dortmund.