Það eru enn líkur á því að sóknarmaðurinn Mason Greenwood spili fyrir Manchester United á nýjan leik.

Greenwood er orðaður við endurkomu til United en hann er í láni hjá spænska félaginu Getafe í dag.

Faðir leikmannsins, Andrew, er ásamt syni sínum á Spáni en móðir hans Melanie er ein á heimili þeirra í Manchester.

Samkvæmt enskum miðlum telur Greenwood að endurkoma til United geti bjargað hjónabandi foreldra sinna sem ku vera í ansi slæmu ástandi.

Samband hjónanna hefur gengið illa síðan Andrew flutti með Mason til Spánar í fyrra en hann vill sjálfur vera til staðar fyrir son sinn.

Framtíð Greenwood mun ráðast í sumar en ansi miklar líkur eru á að hann verði seldur endanlega frá enska stórliðinu.