Ensk blöð halda því fram í dag að Luis Diaz kantmaður Liverpool verði til sölu í sumar, ætlar félagið að fjármagna stóra samninga með sölu á honum.
Þannig segir í enskum blöðum að það verði í forgangi hjá Liverpool í sumar að framlengja við Mo Salah, Trent Alexander-Arnold og Virgil van Dijk.
Allir þessir þrír munu bara eiga ár eftir af samningi sínum í sumar þegar Jurgen Klopp hættir störfum.
Salah er sterklega orðaður við lið í Sádí Arabíu en samkvæmt fréttum dagsins vill Liverpool gera allt til að halda honum.
Þannig eru félög á Spáni sem vilja kaupa Diaz og Liverpool hugnast það að selja þennan 27 ára kantmann. Sóknarlína Liverpool er vel mönnuð og margir kostir í stöðunni.