FH hefur staðfest komu Allan Purisevic til félagsins en hann gerir samning til næstu þriggja tímabili við liðið.
Purisevic kemur til FH frá Stjörnunni.
„Allan gerir samning út 2026 og bjóðum við þennan unga og efnilega dreng hjartanlega velkominn;“ segir á vef FH.
Allan er sonur Ejub Purisevic sem er í þjálfun hjá FH en hann náði mögnuðum árangri með Víking Ólafsvík á sínum tíma.
Allan er 18 ára gamall en hafði ekki spilað með meistaraflokki Stjörnunnar. Hann færir sig nú yfir til FH þar sem hann vonast eftir því að brjótast í gegn og fá tækifæri í meistaraflokki.
Hann hefur á ferlinum spilað 9 landsleiki fyrir Ísland með U15, U16 og U17 ára landsliðinu.
