Það hefur gengið erfiðlega fyrir bakvörðinn Joao Cancelo að finna sér heimili til lengri tíma en hann er enn samningsbundinn Manchester City.
Cancelo samdi við City árið 2019 en hefur síðan þá verið lánaður til bæði Barcelona og Bayern Munchen.
Fyrir það lék leikmaðurinn með Benfica, Valencia, Inter Milan og Juventus en hann er aðeins 29 ára gamall.
Blaðamaðurinn Luis Martín fer yfir stöðu Cancelo en hann segir leikmanninn vera með slæmt hugarfar og að það sé ástæða fyrir því að félög vilji losna við hann snemma.
,,Við höfum farið yfir þetta nokkrum sinnum. Þetta snýst um hans hugarfar og hegðun,“ sagði Martín.
,,Ef það er eitt sem Pep Guardiola þolir ekki þá er það slæmt viðhorf og leikmenn sem eru of þungir. Cancelo var ekki með rétta viðhorf eða hugarfar þó hann sé stórkostlegur fótboltamaður.“
,,Það sama gerðist við hann hjá Valencia, hann fór ekki því hann spilaði illa – hann fór því jafnvel Guð þoldi hann ekki.“