Marseille hefur ákveðið að reka þjálfara sinn Gennaro Gattuso en þetta staðfesti félagið í gær.
Jean Lous Gasset tekur við keflinu af Gattuso en Marseille er þessa stundina í tíunda sæti efstu deildar Frakklands.
Það eru aðeins tveir dagar síðan liðið tapaði gegn Brest í Ligue 1 og var það níunda tap liðsins í vetur.
Starf Gattuso hékk lengi á bláþræði en hann tók aðeins við liðinu í fyrra.
Um er að ræða ítalska goðsögn sem hefur einnig þjálfað lið eins og AC Milan, Napoli og Valencia á sínum ferli.
