Barcelona hefur fengið þau skilaboð frá La Liga að félagið verði að lækka launakostnað um 10 milljarða á næstu leiktíð.

Félagið hefur glímt við vandræði undanfarin ár en ýtt snjóboltanum á undan sér. Nú virðist komið að skuldadögum.

Félagið er einnig undir smásjá UEFA sem gæti sett félagið í bann frá keppnum, taki það ekki til í rekstrinum.

Spænskir miðlar telja að Frenkie de Jong, Robert Lewandowski, Gavi, Raphinha, Ronald Araujo og Pedri verði allir til sölu í sumar.

Barcelona þarf að taka til og eru þetta margir af launahæstu leikmönnum liðsins sem myndu spara félaginu mikla fjármuni, færu þeir annað.