David Beckham fékk ansi mikið skítkast seint á sunnudaginn er hann sá um að veita verðlaun á BAFTA verðlaunahátíðinni í Bretlandi.
Um er að ræða kvikmyndaverðlaun en Beckham gerði garðinn frægan sem fótboltamaður bæði á Englandi og á Spáni.
Undanfarin ár hefur Beckham verið búsettur í Bandaríkjunum en hann er eigandi Inter Miami þar í landi.
Beckham talaði örstutt um fótbolta á hátíðinni og notaði orðið ‘soccer’ frekar en ‘football’ en það fyrrnefnda er notað í Bandaríkjunum.
Þetta fór ekki vel í marga Breta sem létu Beckham svo sannarlega heyra það á samskiptamiðlum í kjölfarið.
,,Þarna ertu! Þú ert að sleikja upp Bandaríkjamennn með þessu orðtaki, þú ert enskur,“ skrifaði einn og bætir annar við: ‘Ekki tala svona, ekki dirfast tala svona, Guð minn almáttugur.’
Beckham spilaði einnig um tíma í Bandaríkjunum með LA Galaxy áður en hann hélt til Ítalíu og svo Frakklands.