Varnarmaðurinn Gabriel íhugaði að yfirgefa Arsenal í sumar eftir komu Jurrien Timber frá Ajax.
Útlit var fyrir að Gabriel yrði þriðji kosturinn í vetur en Timber meiddist snemma og hefur ekkert getað spilað.
Gabriel ætlaði að fara annað en eftir samtal við Arteta þá ákvað hann að taka slaginn í vetur.
,,Þetta var erfitt fyrir mig til að byrja með, ég vil fá að spila en sýndi ákvörðun hans skilning,“ sagði Gabriel.
,,Það er erfitt fyrir alla leikmenn að vera ekki hluti af liðinu en nú er ég með mitt sæti og vil sanna mig enn frekar.“
,,Arteta ræddi við mig og útskýrði af hverju hann hafði tekið þessa ákvörðun og af hverju ég ætti að halda áfram hjá Arsenal.“