Eins og flestir vita var stórstjörnunni Kyle Walker sparkað út af heimili sínu fyrr á árinu eftir að eiginkona hans, Lauren Goodman, komst að framhjáhaldi hans.
Walker er stórstjarna í enska boltanum en hann hefur í mörg ár spilað með Manchester City við góðan orðstír.
Fyrirsætan Paola Saulino segir að það sé ekki óeðlilegt að knattspyrnumenn haldi framhjá eiginkonum sínum en hún talar af reynslu.
Saulino segir að 98 prósent af fótboltamönnum séu að halda framhjá án þess að eiginkonur þeirra viti af.
,,Ég hef sofið hjá þremur leikmönnum í ensku úrvalsdeildinni á minni ævi og ég komst svo að því að þeir væru giftir eða trúlofaðir,“ sagði Saulino.
,,Ég var að sjálfsögðu vonsvikin að heyra af þessu en það þarf að koma fram að ég átti minn hlut í þessu.“
,,Ég tek mönnum eins og þeir eru ekki hvernig ég ímynda mér að þeir séu, ég vil ekki blekkja sjálfa mig.“
,,Að sjálfsögðu finn ég til með Kyle Walker því 98 prósent af fótboltamönnum halda framhjá, það er mjög auðvelt að eiga tvær eða þrjár ‘eiginkonur.’