Borussia Dortmund er reiðubúið að taka við Jadon Sancho endanlega frá Manchester United næsta sumar.
Frá þessu greinir blaðamaðurinn Christian Falk en Sancho er þessa stundina í láni hjá þýska stórliðinu.
Dortmund hefur hins vegar ekki efni á Sancho sem myndi kosta á milli 40 til 50 milljónir punda.
Falk segir að Dortmund þurfi hjálp frá Sancho og að hann þurfi að pressa á félagið að leyfa sér að fara fyrir minni upphæð.
Sancho gerði frábæra hluti með Dortmund í nokkur ár áður en hann hélt til Englands þar sem hlutirnir gengu ekki upp.
Framtíð hans er í mikilli óvissu í Manchester en samband hans við Erik ten Hag, stjóra liðsins, er virkilega slæmt.