Rekstrarfélag knattspyrnuliðsins Kórdrengja, sem bar heitið Kórdrengir félagasamtök, hefur verið tekið til gjaldþrotaskipta en úrskurður þess efnis var kveðinn upp þann 19. apríl samkvæmt auglýsingu í Lögbirtingablaðinu í dag.
Í febrúar staðfesti KSÍ að Kórdrengir myndu ekki taka þátt í deildarkeppninni í sumar en liðið, sem átti sér stutta en afar farsæla sögu, átti sæti í Lengjudeildinni.
Umræður voru um að FH myndi taka yfir félagið en þær runnu út í sandinn á lokametrunum.
