„Það hlýtur að einhver að þekkja einhvern sem þekkir einhvern sem þekkir einhvern sem getur opnað helvítis brautina og komið mer heim nenni ekki að vera fastur í KEF,“ skrifaði Ísak Snær Þorvaldsson, atvinnumaður í knattspyrnu í gær.

Ísak sem leikur með Rosenborg í Noregi var eins og margir fastir á flugvellinum í stutta stund í gær eftir að eldgos hófst á Reykjanesi.

Reykjanesbrautin var lokuð vegna þess hversu margir höfðu mætt á svæðið til að fylgjast með gosinu.

Ísak var að koma heim í jólafrí en hann var ekki lengi fastur á vellinum enda var brautin opnuð á nýjan leik.

„Þurfti bara eitt sterkt tweet og þeir opnuðu,“ skrifaði Ísak skömmu síðar um málið.

Ísak átti ágætis endasprett með Rosenborg eftir erfiða byrjun en norska félagið keypti hann frá Breiðablik.

Það hlýtur að einhver að þekkja einhvern sem þekkir einhvern sem þekkir einhvern sem getur opnað helvítis brautina og komið mer heim nenni ekki að vera fastur í KEF🤧

— Ísak Snær Þorvaldsson (@isaks10) December 19, 2023