Manchester United goðsögnin Roy Keane sakaði Virgil van Dijk, leikmann Liverpool, um að sýna hroka í viðtali eftir leik liðanna í gær.
Liverpool og United gerðu markalaust jafntefli á Anfield í gær og eftir leik sagði Van Dijk að aðeins Liverpool hafi viljað vinna leikinn og að United væri himinlifandi með stig.
„Við viljum vinna alla leiki, sérstaklega þegar við spilum gegn svona liði,“ sagði Van Dijk einnig.
„Þarna sýnir Van Dijk smá hroka. Hann þarf að muna að hann spilar fyrir lið sem hefur unnið einn titil í 30 ár,“ sagði Keane í setti Sky Sports eftir leik.
„United er á erfiðum stað, eins og Liverpool var í mörg ár. Hrokinn kom kannski í bakið á honum í dag.“
Daniel Sturridge, fyrrum leikmaður Liverpool, var með Keane í setti og var ekki á sama máli en Írinn stóð fastur á sínu.
„Þetta er hrokafullt. Ég myndi aldrei vanvirða félög svona.“
Sturridge tók til máls.
„Ég held hann sé bara vonsvikinn með frammistöðu Liverpool miðað við tölfræðina og hvernig þeir stjórnuðu leiknum. Hann er bara svekktur með að Liverpool hafi ekki gert það sem þeir gátu í dag,“ sagði hann.
Myndband af umræðunum er hér að neðan fyrir áhugasama.
🗣️ „That’s arrogance.“
🗣️ „It’s not arrogance!“Roy Keane reacting to Virgil van Dijk’s interview after Liverpool 0-0 Manchester United 😳 pic.twitter.com/1XZpKphrzK
— Sky Sports Premier League (@SkySportsPL) December 17, 2023
