Íþróttafréttamaðurinn Stefán Árni Pálsson er gestur í nýjasta þætti Íþróttavikunnar sem kemur út alla föstudaga. Helgi Fannar Sigurðsson og Hrafnkell Freyr Ágústsson hafa umsjón með þættinum.

Stefán er harður stuðningsmaður Manchester United en hann er eðlilega ekki hrifinn af gengi liðsins undanfarið.

„Þetta var ágætist árangur hjá liðinu á síðasta tímabili en það var eitthvað mjög mikið off. Ég er búinn að vera á Ten Hag out vagninum mjög lengi. Ég gaf honum sumargluggann en í ágúst sagði ég: „Ég vil ekki hafa þennan mann hérna.“ Það eru margir sem tala um að hann sé ekki vandamálið heldur eitthvað fyrir aftan. En kaupin hans eru svo léleg að mér finnst það brottrekstarsök eitt og sér.“

Stefán telur líka að það þurfti að styrkja margar stöður og benti til að mynda á að Daninn Christian Eriksen væri kominn til ára sinna.

„Ég sá það þegar ég fór á Old Trafford, hann er búinn. Ég hleyp hraðar en Christian Eriksen.“

Umræðan í heild er í spilaranum hér ofar og þátturinn í heild hér að neðan.