Zinedine Zidane fyrrum þjálfari Real Madrid virðist vera að opna dyrnar að því að mögulega þjálfa á Englandi í framtíðinni.

Zidane hafði fyrir nokkrum árum tjáð sig um það að erfitt gæti orðið fyrir sig að þjálfa á Englandi því hann væri lélegur í ensku.

Nú segir fyrrum liðsfélagi hans frá því að Zidane hafi á þessu ári verið að læra ensku.

„Síðustu mánuði hefur Zizou verið að fara í ensku kennslu. Ég veit ekki hvort hann vilji þjálfa á Englandi en þetta opnar dyrnar,“ segir Emmanuel Petit fyrrum miðjumaður Arsenal.

„Það að hann hafi byrjað að læra ensku segir mér að hann hugsar um það að þjálfa á Englandi.“

„Hann hefur ekkert þjálfað í nokkur ár og til að vera þjálfari þá þarftu að komast aftur í leikinn, því þetta breytist allt fljótt.“